Azərbaycan Respublikası Dağlıq Qarabağ bölgəsinin Azərbaycanlı İcması

az en ru

Xəbərlər

“Qarabağ” Assosİasİyası “Qarabağ”-“Düdelanj” oyununda törədİlmİş təxrİbatla bağlı Lüksemburq polİsİnə məktub ünvanlayıb

Lüksemburq, 8 oktyabr, AZƏRTAC

Lüksemburqda fəaliyyət göstərən “Qarabağ” Assosiasiyası və Azərbaycan-Lüksemburq Ticarət Palatası UEFA Avropa Liqasının qrup mərhələsi çərçivəsində keçirilən “Qarabağ”-“Düdelanj” oyununda bir qrup erməni tərəfindən törədilmiş təxribatı kəskin şəkildə qınayıb və bunu idmanda qəbulolunmaz siyasi akt kimi qiymətləndirib.

AZƏRTAC xəbər verir ki, “Qarabağ” Assosiasiyası və Azərbaycan-Lüksemburq Ticarət Palatasının təşkilatçılığı ilə erməni təxribatına etiraz olaraq bu ölkədə yaşayan azərbaycanlılar adından Lüksemburq polisinə məktub ünvanlanıb. Polisə ünvanlanan məktub 30-dan çox soydaşımız tərəfindən imzalanıb.

Məktubun bir nüsxəsi Lüksemburqun Baş Nazirinə də göndərilib. Məktubda bu təxribatın siyasi akt olduğu və Lüksemburqun imicinə zərər vurduğu bildirilib.

Soydaşlarımız terrorçuluq siyasətindən əl çəkməyən erməni təxribatçılarının belə çirkin əməllərini digər sahələrdə olduğu kimi, idman sahəsində də nümayiş etdirdiklərini bildiriblər. Erməni təxribatçılarının bu hərəkətlərinin qəbuledilməz olduğunu diqqətə çatdıraraq, belə halların gələcəkdə qarşısının alınması üçün ciddi tədbirlər görülməsinin vacibliyi vurğulanıb.

Qeyd edək ki, erməni təxribatından sonra Lüksemburqun İdman naziri Dan Kersch baş verən hadisəyə görə lüksemburqlular adından üzr istəyib.

 

Şəhla Ağalarova

AZƏRTAC-ın xüsusi müxbiri

Lüksemburq

VİDEO

İŞĞAL OLUNMUŞ RAYONLARIMIZ

  • XANKƏNDİ

  • XOCALI

  • ŞUŞA

  • LAÇIN

  • XOCAVƏND

  • KƏLBƏCƏR

  • AĞDƏRƏ

  • AĞDAM

  • CƏBRAYIL

  • FÜZULİ

  • QUBADLI

  • ZƏNGİLAN

QARABAĞ FOTOLAR